മഞ്ചേരി: മുഹമ്മദ് നബി (സ)യുടെ ജീവിതത്തെ അനുധാവനം ചെയ്യുക മാത്രമാണ് ലോകം ഇന്നു നേരിടുന്ന മുഴുവന്‍ സമസ്യകള്‍ക്കുമുള്ള പരിഹാരമെന്നു സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍. മഞ്ചേരിയില്‍ ആമില അംഗങ്ങളുടെ മീലാദ് വിളംബര റാലി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
നിരപരാധികള്‍ക്കുമേലുള്ള ഭരണകൂടങ്ങളുടെ അതിക്രമങ്ങള്‍ വര്‍ധിച്ചുവരുന്നു. മധ്യപൗരസ്ത്യ ദേശത്തുമാത്രമല്ല, ലോകത്തിന്റെ വിവിധ ഭാഗങ്ങളിലും ഭരണകൂടഭീകരത ഫണമുയര്‍ത്തി സാധാരണ ജനങ്ങള്‍ക്കുമേല്‍ അധിനിവേശം നടത്തികൊണ്ടിരിക്കുകയാണെന്നും മര്‍ദിതരും അഭയാര്‍ഥികളും ലോകത്തിനു മുന്നില്‍ വലിയ ചോദ്യചിഹനമായിരിക്കുമ്പോഴും ഭരണകൂടങ്ങള്‍ കണ്ടില്ലെന്നുനടിക്കുകയാണെന്നും അദ്ദേഹം പറഞ്ഞു.