തേഞ്ഞിപ്പലം: മൂന്നു ദിവസങ്ങളിലായി തേഞ്ഞിപ്പലം കാലിക്കറ്റ് യൂനിവേഴ്‌സിറ്റി സ്‌റ്റേഡിയത്തില്‍ നടന്ന മലപ്പുറം ജില്ലാ സ്‌കൂള്‍ കായികമേളയില്‍ 300.2 പോയിന്റോടെ എടപ്പാള്‍ ഉപജില്ല കീരീടം നേടി. 105.2 പോയിന്റോടെ വേങ്ങര സബ്ജില്ല രണ്ടാംസ്ഥാനം നേടിയപ്പോള്‍ 96 പോയിന്റുകളുമായി മങ്കടയാണ് മൂന്നാംസ്ഥാനത്ത്.
42 സ്വര്‍ണവും 26 വെള്ളിയും 10 വെങ്കലവും നേടിയാണ് എടപ്പാള്‍ ഉപജില്ല കിരീടം നിലനിര്‍ത്തിത്. ഏഴു സ്വര്‍ണവും 16 വെള്ളിയും എട്ടു വെങ്കലവുമാണ് രണ്ടാംസ്ഥാനക്കാരായ വേങ്ങരയുടെ സമ്പാദ്യം. മൂന്നാംസ്ഥാനം നേടിയ മങ്കട ഉപജില്ല ഒന്‍പതു സ്വര്‍ണവും എട്ടു വെള്ളിയും 12 വെങ്കലവും കരസ്ഥമാക്കി. എടപ്പാളിനു ലഭിച്ച പോയിന്റുകളില്‍ 39 സ്വര്‍ണവും 20 വെള്ളിയും ആറു വെങ്കലവുമുള്‍പ്പെടെ 261 പോയിന്റുകള്‍ കടകശ്ശേരി ഐഡിയില്‍ ഇ.എച്ച്.എസ്.എസിന്റെ സംഭാവനയാണ്.
വിജയികള്‍ക്കുള്ള ട്രോഫി ഡി.ഡി.ഇ പി.പി സഫറുള്ള വിതരണം ചെയ്തു. പള്ളിക്കല്‍ പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍മാന്‍ എന്‍. അബ്ദുല്‍ ഖാദര്‍ അധ്യക്ഷനായി.