കോഴിക്കോട്: ശബരിമലയില്‍ സ്ത്രീപ്രവേശനം വിലക്കിയ പൗരാണികമായ ആചാരത്തിനു മാറ്റം വരുത്തേണ്ട സാഹചര്യമില്ലെന്ന് ഭാരതീയ ജ്യോതിശാസ്ത്ര പരിഷത്ത് സംസ്ഥാന ഭാരവാഹികള്‍ വാര്‍ത്താസമ്മേളനത്തില്‍ അഭിപ്രായപ്പെട്ടു.
ശബരിമലയിലെ പ്രസാദത്തിന്റെയും ധ്വജപ്രതിഷ്ഠയുടെയും പുതിയ കെട്ടിട നവീകരണത്തിന്റെയും ചെലവുകള്‍ ദേവസ്വം ബോര്‍ഡ് വെളിപ്പെടുത്തണമെന്നും അവര്‍ കൂട്ടിച്ചേര്‍ത്തു. ഭാരതീയ ജ്യോതിശാസ്ത്ര പരിഷത്തിന്റെ സംസ്ഥാന സമ്മേളനത്തോടനുബന്ധിച്ച് ഡിസംബര്‍ 30നു കോഴിക്കോട് അളകാപുരി ഓഡിറ്റോറിയത്തില്‍ സര്‍വൈശ്വര്യ പൂജ നടത്തും.
വാര്‍ത്താസമ്മേളനത്തില്‍ പ്രസിഡന്റ് മൂലയില്‍ മോഹന്‍ദാസ് പണിക്കര്‍, ജനറല്‍ സെക്രട്ടറി ശ്യാംജിത്ത് പാലയ്ക്കല്‍, കോവൂര്‍ വേണുഗോപാലന്‍ പണിക്കര്‍, കല്ലില്‍ ഷാജുതന്ത്രി, മനോഹരന്‍ തന്ത്രി പങ്കെടുത്തു.