പാലക്കാട്: ചേറ്റൂര്‍ ശങ്കരന്‍ നായര്‍ മെമ്മോറിയല്‍ കള്‍ച്ചറല്‍ ട്രസ്റ്റിന്റെ കെ. പി.എസ്. മേനോന്‍ പുരസ്‌കാരത്തിന് പ്രമുഖ വ്യവസായി പി. എന്‍. സി. മേനോനെ തിരഞ്ഞെടുത്തതായി ചെയര്‍മാന്‍ പി. ടി. നരേന്ദ്രമേനോന്‍ വാര്‍ത്താസമ്മേളനത്തില്‍ അറിയിച്ചു. അരലക്ഷം രൂപയും പ്രശസ്തി പത്രവുമടങ്ങുന്ന അവാര്‍ഡ് 11ന് വൈകിട്ട്  ഒറ്റപ്പാലം സി. എസ്. എന്‍. ഓഡിറ്റോറിയത്തില്‍  നടക്കുന്ന ചടങ്ങില്‍ അവിനാശി സര്‍വകലാശാല ചാന്‍സലര്‍ ഡോ. പി. ആര്‍.കൃഷ്ണകുമാര്‍ നല്‍കും.  
കള്‍ച്ചറല്‍ സെന്ററിന്റെ ആഭിമുഖ്യത്തില്‍ സംഗീത- നൃത്തോത്സവത്തിന് ഒന്‍പതിന് വൈകിട്ട്  തുടക്കമാകും.  വാര്‍ത്താസമ്മേളനത്തില്‍ സെക്രട്ടറി ചിത്രേഷ് നായരും പങ്കെടുത്തു.