മൂവാറ്റുപുഴ: അടൂപറമ്പിലെ അനധികൃത മണ്ണെടുപ്പ് സി.പി.ഐ പ്രവര്‍ത്തകര്‍ തടഞ്ഞു. ഇന്നലെ രാത്രി 10.30ന് അടൂപറമ്പ് മാവുംചുവടിലാണ് സംഭവം. പ്രദേശത്ത് നിന്ന് രണ്ട് ടിപ്പറുകളും ഒരു മണ്ണ് മാന്തിയന്ത്രവും പൊലിസ് പിടികൂടി ജിയോളജി വകുപ്പിന് കൈമാറി. മാവുംചുവടില്‍ അനുമതിയില്ലാതെ സ്വകാര്യ വിക്തിയുടെ കൃഷി ഭൂമിയില്‍ നിന്നും അനധികൃതമായി മണ്ണ് കടത്തിയതാണ് സി.പി.ഐ പ്രവര്‍ത്തകരും നാട്ടുകാരും ചേര്‍ന്ന് തടഞ്ഞത്.
സി.പി.ഐ പ്രവര്‍ത്തകര്‍ പൊലിസില്‍ വിവരമറിയിച്ചങ്കിലും പൊലിസ് സ്ഥലത്തെത്തി പെര്‍മിറ്റ് ഉണ്ടന്ന് അറിയിച്ചതിനെ തുടര്‍ന്ന് മടങ്ങുകയായിരുന്നു. വിവരമറിഞ്ഞ് സ്ഥലത്തെത്തി പൊലിസ് വാഹനങ്ങള്‍ കസ്റ്റഡിയിലെടുക്കുകയായിരുന്നു.