ഓടക്കാലി: സര്‍വശിക്ഷാ അഭിയാന്‍ കൂവപ്പടി ബ്ലോക്ക് റിസോഴ്‌സ് സെന്ററിന്റെ ആഭിമുഖ്യത്തില്‍ ലോക ഭിന്നശേഷി ദിനാചരണത്തിന്റെ പ്രചരണാര്‍ഥം മുടക്കുഴ, വേങ്ങൂര്‍, രായമംഗലം, അശമന്നൂര്‍  പഞ്ചായത്തുകളില്‍ ഡിസംബര്‍ രണ്ടിന് ബിഗ് ക്യാന്‍വാസ് ഒരുങ്ങുന്നു. ഭിന്നശേഷി തിരിച്ചറിഞ്ഞ മുഴുവന്‍ കുട്ടികളും ബിഗ് ക്യാന്‍വാസില്‍ ചിത്രം വരയ്ക്കുകയും രചനകള്‍ നടത്തുകയും ചെയ്യും.
കൂടാതെ പഞ്ചായത്തിലെ മുതിര്‍ന്ന ഭിന്നശേഷിക്കാര്‍ക്ക് ഈ പൊതുവേദിയില്‍ അവരുടെ ഉല്‍പന്നങ്ങള്‍ പ്രദര്‍ശിപ്പിക്കാനുള്ള അവസരവും ഉണ്ടായിരിക്കുന്നതാണ്.
വൈകല്യത്തെ അതിജീവിച്ച ജീവിത വിജയം നേടിയ വ്യക്തികളുടെ പത്ര വാര്‍ത്തകളും സാമൂഹ്യ ഉള്‍ച്ചേരല്‍ പദ്ധതിക്കായി സര്‍വശിക്ഷാ അഭിയാന്‍ നടത്തുന്ന പ്രവര്‍ത്തനങ്ങളുടെ പാനലുകളും പ്രദര്‍ശിപ്പിക്കും.