വൈക്കം: പൊതുമരാമത്ത് വകുപ്പിന്റെ അധീനതയിലുള്ള പിറവം-പാലച്ചുവട് -അവര്‍മ്മ റോഡിന്റെ പുനരുദ്ധാരണ ജോലികളുടെ സുഗമമായ പൂര്‍ത്തീകരണത്തിനുള്ള പ്രവൃത്തികള്‍ നടക്കുന്നതിനാല്‍ ഈ മാസം പത്തുവരെ ഇതിലൂടെയുള്ള വാഹനഗതാഗതം നിരോധിച്ചു.  പിറവത്തു നിന്നും വരുന്ന വാഹനങ്ങള്‍ പിറവം-പാലച്ചുവട് - അന്ത്യാലുങ്കല്‍- ചീപ്പുംപടി-പെരുമ്പടവം-അവര്‍മ്മ വഴി പെരുവയ്ക്കും തിരിച്ചും പോകണമെന്നും അധികൃതര്‍ പറഞ്ഞു.
വൈക്കം: കേരള പൊതുമരാമത്ത് വകുപ്പിന്റെ അധീനതയിലുള്ള വെട്ടിക്കാട്ട്മുക്ക് - വെള്ളൂര്‍ റോഡില്‍ കലുങ്ക് പണി നടക്കുന്നതിനാല്‍ ഇതിലൂടെയുള്ള വാഹനഗതാഗതം ഇന്നലെ വൈകിട്ട് അഞ്ചു മണി മുതല്‍ മൂന്നു ദിവസത്തേക്ക് നിരോധിച്ചിരിക്കുന്നതായി അസിസ്റ്റന്റ് എക്‌സിക്യൂട്ടീവ് എന്‍ജിനീയര്‍, പൊതുമരാമത്ത് നിരത്ത് ഉപവിഭാഗം എന്നിവര്‍ അറിയിച്ചു. ഇതിലൂടെയുള്ള വാഹനങ്ങള്‍ തലപ്പാറ വഴി വെള്ളൂര്‍ക്കും തിരിച്ചും പോകേണ്ടതാണ്.