നെടുമ്പാശ്ശേരി: പ്രായപൂര്‍ത്തിയാകാത്ത പെണ്‍കുട്ടികളെ പീഢിപ്പിക്കാന്‍ ശ്രമിച്ചുവന്ന മധ്യവയസ്‌കനെ ചെങ്ങമനാട് പൊലിസ് അറസ്റ്റ് ചെയ്തു.
നെടുമ്പാശ്ശേരി പൊയ്ക്കാട്ടുശ്ശേരി താഴത്തെ വീട്ടില്‍ കുര്യാക്കോസ്(50) ആണ് പിടിയിലായത്. ഭര്‍ത്താവുമായി പിണങ്ങി കഴിയുന്ന സ്ത്രീയുമായി പ്രണയത്തിലായ ഇയാള്‍ ഇവരുടെ പെണ്‍മക്കളെയാണ് പീഢിപ്പിക്കാന്‍ ശ്രമിച്ചത്. കഴിഞ്ഞ ഒരു വര്‍ഷത്തോളമായി ഇവരുടെ വീട്ടില്‍ കാമുകിയെ തേടി എത്താറുള്ള പ്രതി കാമുകി വീട്ടില്‍ ഇല്ലാതിരിക്കുന്ന സമയത്താണ് കുട്ടികളെ പീഢിപ്പിക്കാന്‍ ശ്രമിച്ചുവന്നത്.
സ്‌ക്കൂളില്‍ നടത്തിയ കൗണ്‍സലിങ്ങിലാണ് കുട്ടികള്‍ ഇക്കാര്യം വെളിപ്പെടുത്തിയത്. കോടതിയില്‍ ഹാജരാക്കിയ പ്രതിയെ 14 ദിവസത്തേയ്ക്ക് റിമാന്‍ഡ് ചെയ്തു.