എടപ്പാള്‍: കര്‍കസംഘം ജില്ലാ സെക്രട്ടറിയുടെ ബന്ധുവിന്റെ പേരിലുള്ള 36 സെന്റ് കൃഷിഭൂമി മണ്ണിട്ടു നികത്തുകയാണെന്നാരോപിച്ച് യൂത്ത്‌കോണ്‍ഗ്രസ് കൊടിനാട്ടി പ്രതിഷേധിച്ചു. ഇന്നലെ വൈകിട്ടാണ് സംഭവം.
എടപ്പാള്‍ കുറ്റിപ്പുറം റോഡില്‍ റൈഹാന്‍ കണ്ണാശുപത്രിക്ക് സമീപമുള്ള ഭൂമിയിലെ നിര്‍മാണ പ്രവര്‍ത്തനമാണ് യൂത്ത്‌കോണ്‍ഗ്രസ് പ്രവര്‍ത്തകര്‍ കൊടി നാട്ടി തടഞ്ഞത്. പ്രതിഷേധ സമരം പൊന്നാനി പാര്‍ലമെന്റ് ഉപാധ്യക്ഷന്‍ ഇ.പി.രാജീവ് ഉദ്ഘാടനം ചെയ്തു.റംഷാദ് അയിലക്കാട് അധ്യക്ഷനായി. അഷറഫ് വെട്ടത്ത്,എന്‍.പി.രാജേഷ്, ദിനേശന്‍ തവനൂര്‍, ജസീല്‍ കൊടക്കാട്ട്, ഷറഫുദ്ദീന്‍, വിഷ്ണു പെരുമ്പറമ്പ്, ആഗ്‌നേയ് നന്ദന്‍ സംസാരിച്ചു.