ന്യൂയോര്‍ക്ക്: യു.എസ് ജനപ്രതിനിധി സഭയിലെ പ്രതിപക്ഷ നേതാവായി നാന്‍സി പെലോസിയെ വീണ്ടും തെരഞ്ഞെടുത്തു. നവംബര്‍ 30ന് നടന്ന തെരഞ്ഞെടുപ്പില്‍ ഒഹിയോയില്‍ നിന്നുള്ള ടിം റയനെയാണ് 76 വയസുകാരിയായ നാന്‍സി പരാജയപ്പെടുത്തിയത്. 13,463 വോട്ടുകളുടെ വ്യത്യാസത്തിലാണ് വിജയം.
പൊതുതെരഞ്ഞെടുപ്പില്‍ ഡെമോക്രാറ്റിക് പാര്‍ട്ടിയുടെ പരാജയത്തിന് ഉത്തരവാദിയെന്ന ആരോപണം ഇവര്‍ക്കെതിരേ ഉയര്‍ന്നിരുന്നു. 15 വര്‍ഷം മുന്‍പ് യു.എസ് ഹൗസ് സ്പീക്കറായി ഇവര്‍ തെരഞ്ഞെടുക്കപ്പെട്ടത് ആദ്യ വനിതാ സ്പീക്കറെന്ന ബഹുമതിയോടെയായിരുന്നു. ടിം റയന് ലഭിച്ച വോട്ടുകള്‍ ഡെമോക്രാറ്റിക് പാര്‍ട്ടിയിലെ ചേരിതിരിവാണ് വ്യക്തമാക്കുന്നത്.
അടുത്ത രണ്ടുവര്‍ഷംകൂടി നാന്‍സി പാര്‍ട്ടിയെ നയിക്കണമെന്നാണ് ഭൂരിപക്ഷം ഡെമോക്രാറ്റിക് പാര്‍ട്ടി പ്രതിനിധികളും അഭിപ്രായപ്പെട്ടത്.
ട്രംപിനെ നേരിടാന്‍ പരിചയസമ്പന്നയായ നാന്‍സിക്ക് കഴിയുമെന്നാണ് പാര്‍ട്ടി നേതൃത്വം വിലയിരുത്തുന്നത്.