ബാങ്കോക്ക്: തായ്‌ലന്റ് രാജാവായി കിരീടാവകാശിയായിരുന്ന വിജിരലോങ്‌ക്രോണിനെ വിളംബരം ചെയ്തു. ഭൂമിബോല്‍ അതുല്യദേജിന്റെ നിര്യാണത്തെ തുടര്‍ന്നാണ് മകനെ രാജാവായി വാഴിച്ചത്. ലോകത്ത് ഏറ്റവും കൂടുതല്‍ കാലം രാജാവായിരുന്ന അതുല്യദേജ് കഴിഞ്ഞ ഒക്ടോബര്‍ 13 നാണ് അന്തരിച്ചത്.
തുടര്‍ന്ന് ഉടനെ രാജാവായി അധികാരമേല്‍ക്കില്ലെന്ന് മകനും കിരീടാവകാശിയുമായിരുന്നു ലോങ്്‌ക്രോണ്‍ അറിയിച്ചിരുന്നു. ഭൂമിബോലിന്റെ നിര്യാണത്തിനു ശേഷം 50ാം ദിവസമാണ് ലോങ്‌ക്രോണ്‍ രാജാവായത്. ഒരു വര്‍ഷം രാജ്യത്ത് ഔദ്യോഗിക ദുഃഖാചരണമാണ്.
കഴിഞ്ഞ ദിവസമാണ് രാജാവായി വാഴിക്കല്‍ ചടങ്ങുകള്‍ തുടങ്ങിയത്. ചാക്രി രാജവംശത്തിലെ 10ാമത്തെ രാജാവാണ് ഇദ്ദേഹം. രാമ പത്താമന്‍ എന്ന പേരിലും രാജാവ് അറിയിപ്പെടും. നാഷനല്‍ അസംബ്ലി മേധാവി പുതിയ രാജാവിനെ വാഴിച്ച വിവരം ജനങ്ങളെ ഔദ്യോഗികമായി അറിയിക്കും.
1972 ലാണ് വിജിരലോങ് ക്രോണ്‍ കിരീടാവകാശിയാകുന്നത്. ഏറെക്കാലം വിജിരലോങ് ക്രോണ്‍ വിദേശത്തായിരുന്നു.