എടപ്പാള്‍: പൂക്കരത്തറ ദാറുല്‍ ഹിദായ ഓര്‍ഫനേജ് ഹയര്‍ സെക്കന്‍ഡറി സ്‌കൂളില്‍വെച്ച് നാലു ദിവസമായി നടന്ന എടപ്പാള്‍ ഉപജില്ലാ കലോത്സവത്തില്‍ ഹയര്‍ സെക്കന്‍ഡറി , ഹൈസ്‌കൂള്‍ വിഭാഗങ്ങളില്‍ കടകശ്ശേരി ഐഡിയല്‍ ഇംഗ്ലീഷ് ഹയര്‍ സെക്കന്‍ഡറി സ്‌കൂള്‍ ഓവറോള്‍ ചാമ്പ്യന്‍ ഷിപ്പ് കരസ്ഥമാക്കി. ഹയര്‍ സെക്കന്‍ഡറി വിഭാഗം 181 പോയിന്റും ഹൈസ്‌കൂള്‍ 184 പോയിന്റും നേടിയാണ് തുടര്‍ച്ചയായ ഏഴാം തവണയും ഐഡിയല്‍ കടകശ്ശേരി ജേതാക്കളായ ത്. ഹയര്‍ സെക്കന്‍ഡറിയില്‍ 142 പോയിന്റ് നേടിയ ഡി.എച്.ഒ.എച്ച്.എസ്എസ് പൂക്കരത്തറയാണ് രണ്ടാം സ്ഥാനത്ത്. 139 പോയിന്റോടെ ജി.എച്ച്.എസ് എടപ്പാള്‍ മൂന്നാം സ്ഥാനം കരസ്ഥമാക്കി. ഹൈസ്‌കൂള്‍ വിഭാഗത്തില്‍ 172 പോയിന്റുമായി ഡി.എച്.ഒ.എച്ച്.എസ്എസ് പൂക്കരത്തറയും 155 പോയിന്റ് നേടി മോഡേണ്‍ എച്ച്.എസ്.എസ് പോട്ടൂരും യഥാക്രമം രണ്ടും മൂന്നും സ്ഥാനങ്ങള്‍ നേടി.