പുലാമന്തോള്‍: വടക്കന്‍ പാലൂരില്‍ വിളയിച്ച സൂര്യകാന്തിപ്പൂവിന്റെ വിളവെടുപ്പ് ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ നിര്‍വഹിച്ചു. പുലാമന്തോളിലെ കര്‍ഷക ഗവേഷകന്‍ ചോലപ്പറമ്പത്ത് ശശിധരനാണ് വടക്കന്‍ പാലൂരില്‍ പാട്ടത്തിനെടുത്ത ഒരേക്കര്‍ ഭൂമി മില്‍ പരീക്ഷണാര്‍ഥം സൂര്യകാന്തിപ്പൂ കൃഷി നടത്തിയത്.
ഹൈദരബാദില്‍ നിന്നുകൊണ്ടുവന്ന സൂര്യകാന്തി വിത്താണ് റാവി കൃഷിക്ക് ശേഷം ശാസത്രീയ രീതിയില്‍ കൃഷി ചെയ്ത് പരീക്ഷിച്ചത്. പരീഷണം പൂര്‍ണമായും വിജയമായിരുന്നെന്ന് ശശിധരന്‍ പറയുന്നു. പെരിന്തല്‍മണ്ണ ബ്ലോക്ക് പഞ്ചായത്ത് പ്രസിഡന്റ് റീന പട്ടമണ്ണ, ബ്ലോക്ക് പഞ്ചായത്ത് ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ അമീര്‍ പാതാരി, ബ്ലോക്ക് വനിതാ ഓഫിസര്‍മാരായ പി.ജി സ്മിത, കെ.എം സുജാത , ബ്ലോക്ക് മെമ്പര്‍ എം.പി വേലായുധന്‍ എന്നിവരും ചടങ്ങില്‍ സംബന്ധിച്ചു.