കരുനാഗപ്പള്ളി: താലൂക്ക് ജമാഅത്ത് യൂനിയന്റെ നേതൃത്വത്തില്‍ 12ന് പ്രവാചകന്‍ മുഹമ്മദ് നബിയുടെ ജന്മദിനത്തില്‍ ശരീഅത്ത് സംരക്ഷണ റാലിയും സമ്മേളനവും രാഷ്ട്രീയ, സാമൂഹിക, സാംസ്‌കാരിക, മത നേതാക്കളെ സംഘടിപ്പിച്ചു കൊണ്ട് വിപുലമായി നടത്താന്‍ കരുനാഗപ്പള്ളി താലൂക്ക് ജമാഅത്ത് യൂനിയന്റെ നേതൃയോഗം നീരുമാനിച്ചു.
എല്ലാ മഹല്ലുകളും പള്ളികളും കേന്ദ്രീകരിച്ച് നബിദിന റാലിയുടെയും സമ്മേളനത്തിന്റെയും വിജയത്തിലേക്കായി പ്രത്യേക സ്വാഗത സംഘവും വിളിച്ച് ചേര്‍ക്കാനും നബിദിന സന്ദേശം വിളംബരം ചെയ്യുന്ന ലഘുലേഖനങ്ങള്‍ അച്ചടിച്ച് വീടുകളില്‍ എത്തുക്കവാനും യൂനിയന്‍ മഹല്ലുകള്‍ക്ക് നിര്‍ദ്ദേശം നല്‍കി. പള്ളികള്‍ ഉള്‍പ്പെടെ പ്രധാന സ്ഥങ്ങളില്‍ കൊടി തോരണങ്ങള്‍ കെട്ടല്‍, മദ്‌റസാ വിദ്യാര്‍ഥികള്‍ക്കായി കലോത്സവം സംഘടിപ്പക്കുക, പള്ളികളില്‍ പ്രത്യേക പ്രാര്‍ഥന എന്നിവ നടത്താന്‍ യൂനിയന്‍ മഹല്ലുകള്‍ക്ക് നിര്‍ദ്ദേശം നല്‍കി.
താലൂക്ക് ജമാഅത്ത് യൂനിയന്‍ പ്രസിഡന്റ് വലിയത്ത് ഇബ്രാഹീം കുട്ടി അധ്യക്ഷനായി. യോഗം രക്ഷാധികാരി ഇബ്രാഹീംകുട്ടി ഉദ്ഘാടനം ചെയ്തു. കുരുടന്റയ്യത്ത് വാഹിദ്, കെ.എ ജവാദ്, സി.എം.എ നാസ്സര്‍, ഖലീലുദ്ദീന്‍ പൂയപ്പള്ളില്‍, പി.എച്ച് മുഹമ്മദ്കുഞ്ഞ്, റഊഫ് കോട്ടക്കര സംസാരിച്ചു.