തളിപ്പറമ്പ്: തളിപ്പറമ്പ് നോര്‍ത്ത് ഉപജില്ലാ സ്‌കൂള്‍ കലോത്സവത്തില്‍ എല്‍.പി, യു.പി വിഭാഗങ്ങളില്‍ യഥാക്രമം 53ഉം 72ഉം പോയിന്റുകള്‍ നേടി വായാട്ടുപറമ്പ് സെന്റ് ജോസഫ്‌സ് യു.പിയും ഹൈസ്‌കൂള്‍ വിഭാഗത്തില്‍ 154 പോയിന്റോടെ തളിപ്പറമ്പ് സീതിസാഹിബ് ഹയര്‍ സെക്കന്‍ഡറിയും ഹയര്‍ സെക്കന്‍ഡറി വിഭാഗത്തില്‍ മൂത്തേടത്ത് ഹയര്‍ സെക്കന്‍ഡറിയും ജേതാക്കളായി. അറബിക് കലോത്സവം എല്‍.പി വിഭാഗത്തില്‍ പൂണങ്ങോട് എ.എല്‍.പിയും തളിപ്പറമ്പ് യതീംഖാന സ്‌കൂളും സംയുക്ത ജേതാക്കളായി. യു.പി വിഭാഗത്തില്‍ തളിപ്പറമ്പ് ഗവ.മാപ്പിള സ്‌കൂള്‍ കിരീടം നേടി. ഹൈസ്‌കൂള്‍ വിഭാഗത്തില്‍ സീതി സാഹിബ് വിജയിച്ചു. സംസ്‌കൃതം കലോത്സവത്തില്‍ യു.പിയില്‍ കരിപ്പാല്‍ എസ്.വിയും ഹൈസ്‌കൂള്‍ വിഭാഗത്തില്‍ ബി.വി.ജെ.എം എച്ച്.എസ് പെരുമ്പടവും ചാംപ്യന്മാരായി. കെ.കെ.എന്‍ പരിയാരം സ്‌കൂളില്‍ സമാപന സമ്മേളനം കലക്ടര്‍ മിര്‍ മുഹമ്മദലി ഉദ്ഘാടനം ചെയ്തു. പരിയാരം പഞ്ചായത്ത് വൈസ് പ്രസിഡന്റ് കെ.വി രമ അധ്യക്ഷയായി. പ്രസിഡന്റ് എ രാജേഷ് സമ്മാനം വിതരണം ചെയ്തു. വി.പി ഗോവിന്ദന്‍, സി ജീജ, ഇ ശശിധരന്‍, കെ ഇബ്രാഹിം, പി.വി സുരേഷ്, എം ഉബൈദുല്ല, പി.വി സജീവന്‍, ടി.വി ബിന്ദു, വി.വി.സി ബാലന്‍, രവീന്ദ്രന്‍ കാവിലെവളപ്പില്‍, പി സുരേഷ്‌കുമാര്‍, സുമാവതി, പി സത്യന്‍, വി.വി രവീന്ദ്രന്‍ സംസാരിച്ചു.