പരപ്പ: പരപ്പ റെയ്ഞ്ച് സമസ്ത കോര്‍ഡിനേഷന്‍ കമ്മിറ്റിയുടെ നേതൃത്വത്തില്‍ നാളെ പരപ്പയില്‍ ശരീഅത്ത് സംരക്ഷണ റാലിയും പൊതുസമ്മേളനവും സംഘടിപ്പിക്കുമെന്നു ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. നാളെ വൈകിട്ടു മൂന്നിനു പരപ്പ വിര്‍മലഗിരി ചര്‍ച്ച് പരിസരത്തു നിന്നു സംരക്ഷണ റാലി ആരംഭിക്കും.
പരപ്പ റൈഞ്ച് ജം ഇയ്യത്തുല്‍ മുഅല്ലിമീന്‍ പ്രസിഡന്റ് സഹല്‍ അസ് ഹരിയില്‍ നിന്ന് എസ്.വൈ.എസ് പരപ്പ മേഖലാ പ്രസിഡന്റ് ടി അബ്ദുല്‍ ഖാദര്‍ പതാക ഏറ്റുവാങ്ങും. പൊതുസമ്മേളനം പാണക്കാട് സയ്യിദ് ഷെഫീഖ് അലി ശിഹാബ് തങ്ങള്‍ ഉദ്ഘാടനം ചെയ്യും. മെട്രോ മുഹമ്മദ് ഹാജി അധ്യക്ഷനാകും. എസ്.വൈ.എസ് സംസ്ഥാന സെക്രട്ടറി നാസര്‍ ഫൈസി കൂടത്തായി മുഖ്യ പ്രഭാഷണം നടത്തും.
ബഷീര്‍ വെള്ളിക്കോത്ത് ഇബ്രാഹിം പള്ളങ്കോട് , അലി ഫൈസി, സലൂദ് നിസാമി, മുബാറക് ഹസ്സൈനാര്‍ ഹാജി, അബ്ദുല്‍ ഖരീം ബാഖവി, ജാതിയില്‍ അസിനാര്‍ എന്നിവര്‍ സംബന്ധിക്കും. വാര്‍ത്താസമ്മേളനത്തില്‍ എ.സി.എ ലത്തീഫ്, സുഹൈല്‍ നമ്പ്യാര്‍ കൊച്ചി, ഇസ്ഹാഖ് പരപ്പ, ഹാഷിം അസ് ഹരി, സുലൈമാന്‍ മുണ്ട്യാനം, സി.എം ഇബ്രാഹിം പങ്കെടുത്തു.