കൊടുവള്ളി: വാവാട് ചക്കരവയലില്‍ അഡ്വ. പി.കെ സക്കരിയ്യയുടെ ഉടമസ്ഥതയില്‍ നെല്‍കൃഷി നടത്തിയ വയലില്‍ ജനകീയ കൊയ്ത്തുത്സവവും കര്‍ഷക കൂട്ടായ്മയും സംഘടിപ്പിച്ചു.
വാവാട് ആലിന്‍ചുവട് മുതല്‍ മണ്ണില്‍കടവ് വരെയുള്ള രണ്ടര കിലോമീറ്ററോളം വരുന്ന വയല്‍പ്രദേശം മിക്കഭാഗവും സ്വകാര്യവ്യക്തികള്‍ മണ്ണിട്ടു നികത്തിയ നിലയിലാണ്.
ബാക്കി വരുന്ന ഭാഗത്താണ് കപ്പയും വാഴയും കമുകും കൃഷി ചെയ്യുന്നത്. നെല്ല് കൊയ്‌തെടുത്ത വയലില്‍ ജനകീയമായി പച്ചക്കറി കൃഷി നടത്താനാണ് പദ്ധതി. നഗരസഭാ ചെയര്‍പേഴ്‌സണ്‍ ഷെരീഫ കണ്ണാടിപ്പൊയില്‍ ഉദ്ഘാടനം ചെയ്തു. വൈസ് ചെയര്‍മാന്‍ എ.പി മജീദ് അധ്യക്ഷനായി.
ക്ഷേമകാര്യ സ്ഥിരംസമിതി അധ്യക്ഷന്‍ കെ. ബാബു, എം.കെ രാജന്‍, അഷ്‌റഫ് വാവാട്, ഒ.പി മജീദ് സംസാരിച്ചു. നഗരസഭാ കൗണ്‍സിലര്‍ വി. അബ്ദു സ്വാഗതവും അഡ്വ. പി.കെ സക്കരിയ്യ നന്ദിയും പറഞ്ഞു.