കോട്ടയം: സൈബര്‍ കുറ്റകൃത്യങ്ങള്‍ക്ക് ഇരകളാകുന്നവരില്‍ കൂടുതലും സ്ത്രീകളും കുട്ടികളുമാണെന്നു മാധ്യമ ശില്‍പശാലയില്‍ വിലയിരുത്തല്‍. നിലവിലെ പൊലിസ് കണക്കുകള്‍ അനുസരിച്ച് ഇതുവരെ രജിസ്റ്റര്‍ ചെയ്ത കേസുകള്‍ പ്രകാരമാണിത്. ഇന്റര്‍നെറ്റ് ദുരുപയോഗവും കുട്ടികള്‍ക്കെതിരെയുളള ചൂഷണവും എന്ന വിഷയത്തില്‍ ഇന്‍ഫര്‍മേഷന്‍ - പബ്ലിക് റിലേഷന്‍സ് വകുപ്പും കോട്ടയം പ്രസ് ക്ലബും സംയുക്തമായി സംഘടിപ്പിച്ച ശില്‍പശാലയ്ക്കു നേതൃത്വം നല്‍കിയ വിജിലന്‍സ് ഡിവൈ.എസ.്പി (മുന്‍ കോട്ടയം സൈബര്‍സെല്‍ ഡിവൈ.എസ്.പി) പി.യു സുനില്‍ കുമാറാണ് സൈബര്‍ കുറ്റകൃത്യങ്ങള്‍ക്ക് ഇരകളാകുന്ന സ്ത്രീകളുടെയും കുട്ടികളുടെയും സ്ഥിതിവിവരം വെളിപ്പെടുത്തിയത്.
സൈബര്‍ കുറ്റകൃത്യങ്ങള്‍ക്ക് ഏറ്റവും കുറഞ്ഞ ശിക്ഷ മൂന്നു വര്‍ഷം വരെ തടവു ശിക്ഷയും പിഴയുമാണ്. പലരും സൈബര്‍കുറ്റകൃത്യങ്ങളില്‍ ഉള്‍പ്പെടുന്നത് സൈബര്‍ ലോകത്തെ കുറിച്ചുള്ള അജ്ഞത കൊïും കുറ്റകൃത്യമാണ് എന്ന തിരിച്ചറിവ് ഇല്ലാത്തതുകൊïുമാണ്.
സൈബര്‍ കുറ്റകൃത്യങ്ങളെ കുറിച്ചും ഇരയാക്കപ്പെടുന്ന സാഹചര്യങ്ങളെ കുറിച്ചും പൊതുസമൂഹത്തെ ബോധവത്കരിക്കേïത് അനിവാര്യമാണെന്നും ശില്‍പശാല വിലയിരുത്തി. കോട്ടയം പ്രസ് ക്ലബില്‍ നടന്ന ശില്‍പശാല ജില്ലാ ജില്ലാ ചൈല്‍ഡ് പ്രൊട്ടക്ഷന്‍ ഓഫിസര്‍ വി.ജെ ബിനോയ് ഉദ്ഘാടനം ചെയ്തു. പ്രസ് ക്ലബ് പ്രസിഡന്റ് എസ് മനോജ് അധ്യക്ഷത വഹിച്ചു. പ്രസ് ക്ലബ് സെക്രട്ടറി ഷാലു മാത്യു, അമൃത ടി.വി സ്‌പെഷ്യല്‍ കറസ്‌പോïന്റ് എം ശ്രീജിത്ത്, പി.ആര്‍.ഡി അസി. എഡിറ്റര്‍ സിനി കെ. തോമസ്, അസി. ഇന്‍ഫര്‍മേഷന്‍ ഓഫിസര്‍ കെ.ബി ശ്രീകല എന്നിവര്‍ സംസാരിച്ചു.