ശ്രീനഗര്‍: ജമ്മു കശ്മിരിലെ കുല്‍ഗാമില്‍ സൈന്യവും സുരക്ഷാസേനയുമായുണ്ടായ ഏറ്റുമുട്ടലിനിടെ സാധാരണക്കാരന്‍ മരണപ്പെട്ടു. ജമ്മു കശ്മിരിലെ ഫിഷറിസ് ഡിപാര്‍ട്‌മെന്റില്‍ ഉദ്യോഗസ്ഥനായ അസദുള്ള കുമാറാണ് മരണപ്പെട്ടത്.

വീടിനുള്ളില്‍ ഒളിച്ചിരുന്ന തീവ്രവാദികളുമായി വെടിവെപ്പ് നടക്കുന്നതിനിടെ കുമാര്‍ അപ്രതീക്ഷിതമായി അവിടെയെത്തുകയായിരുന്നു. വെടിയേറ്റ ഇയാളെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.

24 മണിക്കൂറിനിടെ തെക്കന്‍ കശ്മിരില്‍ ഇത്തരത്തില്‍ കൊല്ലപ്പെടുന്ന രണ്ടാമത്തെ സാധാരണക്കാരനാണ് കുമാര്‍.