മാവൂര്‍: കുറ്റിക്കാട്ടൂര്‍ മുസ്‌ലിം യതീംഖാന വാര്‍ഷിക സന്ദര്‍ശനവും കാംപസില്‍ പുതുതായി തുടങ്ങിയ ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റി സഹസ്ഥാപനം ശംസുല്‍ ഹുദാ ഇസ്‌ലാമിക് അക്കാദമിയുടെ പ്രചാരണ പ്രഭാഷണവും 22, 23, 24, 25 തിയതികളില്‍ നടക്കും. റഹ്മത്തുല്ല ഖാസിമി മൂത്തേടം, ഖലീല്‍ ഹുദവി കാസര്‍കോട്, മഅ്മൂന്‍ ഹുദവി കൊല്ലം പ്രഭാഷണം നടത്തും. സമസ്ത കേന്ദ്ര മുശാവറ മെമ്പര്‍ ചെറുവാളൂര്‍ ഹൈദ്രോസ് മുസ്‌ലിയാര്‍ ദുആ സമ്മേളനത്തിനു നേതൃത്വം നല്‍കും.
യതീംഖാന ചെയര്‍മാന്‍ സയ്യിദ് ബഷീറലി ശിഹാബ് തങ്ങള്‍, ദാറുല്‍ ഹുദാ വൈസ് ചാന്‍സലര്‍ ബഹാഉദ്ദീന്‍ മുഹമ്മദ് നദ്‌വി, എസ്.വൈ.എസ് സംസ്ഥാന ജന. സക്രട്ടറി സയ്യിദ് മുഹമ്മദ് കോയ ജമലുല്ലൈലി, സമസ്ത ജില്ലാ സെക്രട്ടറി അബ്ദുല്‍ ബാരി ബാഖവി, വഖഫ് ബോര്‍ഡ് മെമ്പര്‍ എം.സി മായിന്‍ ഹാജി, എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് മുബശ്ശിര്‍ തങ്ങള്‍, അസ്‌ലം ബാഖവി പാറന്നൂര്‍ സംബന്ധിക്കും.
പരിപാടികള്‍ വിജയിപ്പിക്കുന്നതിനു ചേര്‍ന്ന സ്വാഗതസംഘം രൂപീകരണ യോഗത്തില്‍ യതീംഖാനാ പ്രസിഡന്റ് എ.ടി ബഷീര്‍ അധ്യക്ഷനായി. എസ്.വൈ.എസ് ജില്ലാ ട്രഷറര്‍ കെ.പി കോയ ഉദ്ഘാടനം ചെയ്തു. ശംസുല്‍ ഹുദാ പ്രിന്‍സിപ്പല്‍ ഉനൈസ് ഹുദവി മുഖ്യപ്രഭാഷണം നടത്തി. യതീംഖാന സെക്രട്ടറി ഇ.എം കോയ ഹാജി, പി. അബ്ബാസ് ഹാജി സംബന്ധിച്ചു.