ഈരാറ്റുപേട്ട: മുന്‍കാല പ്രവാസികളുടെ ഒത്തു ചേരല്‍ അവിസ്മരണീയ അനുഭവമായി. ഈരാറ്റുപേട്ടക്കാരായ പ്രവാസികളുടെ ആഗോള കൂട്ടായ്മയായ ഈരാറ്റുപേട്ട ഗ്ലോബല്‍ അസോസിയേഷന്റെ ലോഗോ പ്രകാശന ചടങ്ങിനോടനുബന്ധിച്ചാണ് നാട്ടുകാരായ മുന്‍കാല പ്രവാസികളുടെ ഒത്തു ചേരലും ആദരിക്കലും സംഘടിപ്പിച്ചത്. പതിറ്റാïുകള്‍ വിദേശത്ത് വിയര്‍പ്പൊഴുക്കിയ തങ്ങള്‍ക്ക് ആദ്യമായി ലഭിച്ച അംഗീകാരമായിരുന്നു ഇതെന്ന് ചടങ്ങില്‍ പങ്കെടുത്ത മുന്‍കാല പ്രവാസികള്‍ അനുസ്മരിച്ചു.
അല്‍ മനാര്‍ സീനിയര്‍ സെക്കന്‍ഡറി സ്‌കൂളില്‍ നടന്ന ചടങ്ങില്‍ മുന്‍ പ്രവാസിയും സ്‌കൂള്‍ പ്രിന്‍സിപ്പലുമായ സാദിഖ് റഹീമിന് ലോഗോ നല്‍കി ആന്റോ ആന്റണി എം.പി പ്രകാശനം നിര്‍വഹിച്ചു. ഇ.ജി.എയുടെ ലക്ഷ്യവും ഇതുവരെ നടന്ന പ്രവര്‍ത്തനങ്ങളേയും കുറിച്ച് മുഹമ്മദ് നദീര്‍ മൗലവി വിശദീകരിച്ചു. ഈരാറ്റുപേട്ടയുടെയും പ്രവാസത്തിന്റേയും ചരിത്രം വിശദീകരിക്കുന്ന, മണ്‍മറഞ്ഞുപോയ മുന്‍കാല പ്രവാസികളെ അനുസ്മരിക്കുന്ന 'സ്വപ്നം വിതക്കുന്ന പ്രവാസം' എന്ന ഡോക്യുമെന്‍ഡറി പ്രദര്‍ശനവും ഉïായിരുന്നു.
മുനിസിപ്പല്‍ ചെയര്‍മാന്‍ ടി.എം. റഷീദ്, മുഹമ്മദ് നദീര്‍ മൗലവി എന്നിവര്‍ മുന്‍കാല പ്രവാസികള്‍ക്ക് ഉപഹാരം നല്‍കി ആദരിച്ചു. ലോഗോ ഡിസൈന്‍ മത്സരത്തില്‍ വിജയിയായ തസ്‌ലിം കുവൈത്തിനു വേïി പിതാവ് സി.എ. കുട്ടി സാഹിബ് പുരസ്‌കാരം ഏറ്റു വാങ്ങി. പ്രോത്സാഹന സമ്മാനം നേടിയ ശിഹാബ് മറ്റക്കാട്, ഷെഫിന്‍ സുപ്രീം, ഷഹീര്‍ എന്നിവര്‍ക്കും സമ്മാനങ്ങള്‍ വിതരണം ചെയ്തു. ഈരാറ്റുപേട്ട ഗ്ലോബല്‍ അസോസിയേഷന്‍ എന്ന നാമം നിര്‍ദേശിച്ച അസീം പി നൗഷാദിനും ഷാഹിദ് സി.എക്കും വേïിയുള്ള ഉപഹാരം വി.എം. സിറാജ് കൈമാറി.
മുഹമ്മദ് നസ്സീബ് ഖിറാഅത്ത് നടത്തി. സാദിഖ് റഹീം അധ്യക്ഷനായി. വി.എം സിറാജ്, മുനവ്വര്‍ ഉമര്‍, സക്കീര്‍ അബ്ദുല്‍സലാം സംസാരിച്ചു.