അബൂദബി: അബൂദബിയില്‍ രഹസ്യാന്വേഷണ വിഭാഗത്തിന്റെ നേതൃത്വത്തില്‍ വന്‍ മയക്കുമരുന്ന് വേട്ട. മയക്കുമരുന്നു കടത്തും വില്‍പനയുമായി ബന്ധപ്പെട്ട് പെണ്‍കുട്ടികള്‍, കോളജ് വിദ്യാര്‍ഥികള്‍ എന്നിവരടക്കം എട്ടു പേരെയാണ് പൊലിസ് അറസ്റ്റ് ചെയ്തത്. ഇവരില്‍ നിന്ന് 398 കവറുകളില്‍ സൂക്ഷിച്ചിരുന്ന മയക്കുമരുന്നും 1.25 ലക്ഷം ദിര്‍ഹവും പിടിച്ചെടുത്തിട്ടുണ്ട്.
അറബ്, ജി.സി.സി പൗരന്‍മാരായ കോളജ് വിദ്യാര്‍ഥികള്‍, വിവിധ രാജ്യക്കാരായ മൂന്ന് പെണ്‍കുട്ടികള്‍, മൂന്ന് യൂറോപ്യന്‍ വംശജര്‍ എന്നിവരാണ് പിടിയിലായത്.