കൊല്‍ക്കത്ത: പശ്ചിമബംഗാള്‍ തലസ്ഥാനമായ കൊല്‍ക്കത്തയിലെ മാളില്‍ വന്‍തീപിടിത്തം. പ്രശസ്തമായ സൗത്ത് സിറ്റി മാളിലാണു തീപിടിത്തമുണ്ടായത്. അപകടത്തെത്തുടര്‍ന്നു മാളില്‍ നിന്നു ജീവനക്കാരെയെല്ലാം ഒഴിപ്പിച്ചു. ഇന്നലെ രാവിലെ 9.15നായിരുന്നു കെട്ടിടത്തില്‍ തീപിടിത്തമുണ്ടായത്. കെട്ടിടത്തില്‍ നിന്നു കറുത്ത പുക ഉയരുന്നതുകണ്ട പ്രദേശവാസികളാണു മാളിലെ സുരക്ഷാ ജീവനക്കാരെ വിവരമറിയിച്ചത്.
ഉടന്‍തന്നെ മാളിലെ മള്‍ട്ടിപ്ലക്‌സ് തിയറ്ററില്‍ സിനിമ കണ്ടുകൊണ്ടുരുന്നവരുള്‍പ്പടെയുള്ളവരെ ഒഴിപ്പിച്ചു. കെട്ടിടത്തിലേക്കുള്ള വൈദ്യുതി കണക്ഷനും വിച്ഛേദിച്ചു. അഗ്‌നിശമനസേനയെത്തിയാണു തീയണച്ചത്.