കോഴിക്കോട്: നവകേരള ആക്ഷന്‍ പ്ലാനിന്റെ ഭാഗമായി നടപ്പിലാക്കുന്ന ഹരിതകേരളം മിഷന്‍ ശുചിത്വ യജ്ഞത്തിന്റെ ജില്ലാതല ഉദ്ഘാടനം എട്ടിനു സരോവരം ബയോപാര്‍ക്കില്‍ എക്‌സൈസ്-തൊഴില്‍ വകുപ്പ് മന്ത്രി ടി.പി രാമകൃഷ്ണന്‍ നിര്‍വഹിക്കും.
രാവിലെ എട്ടിനു സരോവരം ബയോപാര്‍ക്ക് ശുചീകരണം നടത്തും. എന്‍.എസ് വളണ്ടിയര്‍മാര്‍, കുടുംബശ്രീ പ്രവര്‍ത്തകര്‍, വനംവകുപ്പ് ജീവനക്കാര്‍, വിമുക്ത ഭടന്‍മാര്‍, സ്വാഭിമാന്‍ വളണ്ടിയര്‍മാര്‍, പി.ആര്‍.ടി.സി വളണ്ടിയര്‍മാര്‍ തുടങ്ങിയവര്‍ പങ്കാളികളാവും. പുറമെ സിവില്‍ സ്‌റ്റേഷന്‍ ശുചീകരണവും കൊയിലാണ്ടി നഗരസഭയിലെ വെളിയൂര്‍ ചെല്ലി ശുചീകരണവും പ്രധാന പരിപാടികളാണ്.