കണ്ണൂര്‍: പൂട്ടിയിട്ട വീട് കുത്തിത്തുറന്ന് കവര്‍ച്ച. ടി.വിയും ചെമ്പ് പാത്രങ്ങളും മോഷണം പോയി. എളയാവൂര്‍ ക്ഷേത്രത്തിനു സമീപം താമസിക്കുന്ന റിട്ട. ലഫ്റ്റനന്റ് കേണല്‍ ദാമോദരന്‍ നായരുടെ ഉടമസ്ഥതയിലുള്ള ടെമ്പിള്‍ ലൈറ്റ് ഹൗസിലാണു കവര്‍ച്ച നടന്നത്. മൂന്നുദിവസം മുമ്പ് ദാമോദരന്‍ നായര്‍ ചത്തീസ്ഗഡിലെ മകന്റെ വീട്ടില്‍ പോയതായിരുന്നു. ഞായറാഴ്ച ഉച്ചയ്ക്കു തിരികെ എത്തിയപ്പോഴാണു കവര്‍ച്ചാ വിവരമറിയുന്നത്. വീടിന്റെ മുന്‍വശത്തെ ജനലിന്റെ കമ്പി വളച്ചാണു മോഷ്ടാക്കള്‍ അകത്തുകടന്നത്. 33,000 രൂപയുടെ സാധനങ്ങള്‍ മോഷണം പോയതായി ദാമോദരന്‍ നായര്‍ ടൗണ്‍ പൊലിസില്‍ നല്‍കിയ പരാതിയില്‍ പറയുന്നു.