തിരൂരങ്ങാടി: കൊടിഞ്ഞി പുല്ലാണി ഫൈസലി(30)നെ വെട്ടിക്കൊലപ്പെടുത്തിയ കേസില്‍ ആര്‍.എസ്.എസുകാരനായ മുഖ്യപ്രതി വലയിലായതായി സൂചന. കൃത്യം നടത്തിയതെന്ന് പൊലിസ് സംശയിക്കുന്ന തിരൂര്‍ പുല്ലൂണി സ്വദേശിയാണ് അന്വേഷണ ഉദ്യോഗസ്ഥരുടെ വലയിലായത്. കല്‍പ്പണിക്കാരനായ ഇയാള്‍ സംഘ്പരിവാറിനുവേണ്ടി എന്തുക്രൂരകൃത്യവും ചെയ്യുന്ന വ്യക്തിയാണത്രെ. കൂടാതെ കേസില്‍ മറ്റൊരാളെകൂടി പൊലിസ് കസ്റ്റഡിയിലെടുത്തിട്ടുണ്ട്. ഇതോടെ കസ്റ്റഡിയിലുള്ളവരുടെ എണ്ണം മൂന്നായി. എന്നാല്‍ ഫൈസല്‍ വധത്തിന്റെ സൂത്രധാരനും യാസര്‍ വധക്കേസിലെ പ്രതിയുമായ തിരൂര്‍ മഠത്തില്‍ നാരായണനെ ഇതുവരെ പിടികൂടിയിട്ടില്ല.
ഇയാളുടെ വീട് പൊലിസ് പരിശോധിച്ചെങ്കിലും രക്ഷപ്പെട്ടിരുന്നു. മൊബൈല്‍ ഫോണ്‍ ഉപയോഗിക്കാതെ ഒളിവില്‍ കഴിയുകയാണ് ഇയാള്‍.