തിരുവനന്തപുരം: ട്രഷറികള്‍ ഡിജിറ്റലൈസ് ചെയ്യാത്തത് സര്‍ക്കാരിന്റെ വീഴ്ചയാണെന്ന് ബി.ജെ.പി സംസ്ഥാന അധ്യക്ഷന്‍ കുമ്മനം രാജശേഖരന്‍. ട്രഷറികള്‍ ഡിജിറ്റലൈസ് ചെയ്തിരുന്നെങ്കില്‍ പെന്‍ഷന്‍കാര്‍ക്ക് പണം വീട്ടിലിരുന്നു വാങ്ങാമായിരുന്നുവെന്നും അദ്ദേഹം പറഞ്ഞു. ക്ഷേമപെന്‍ഷനുകള്‍ വീട്ടില്‍ എത്തിക്കുമെന്നായിരുന്നു ഇടതു മുന്നണിയുടെ പ്രകടന പത്രികയില്‍ വാഗ്ദാനം ചെയ്തിരുന്നത്. എന്നാല്‍ അത് നടന്നില്ലെന്നും കുമ്മനം കുറ്റപ്പെടുത്തി.