കുന്ദമംഗലം: 13-ാമത് ജില്ലാ സീനിയര്‍ ബേസ്‌ബോള്‍ ചാംപ്യന്‍ഷിപ്പില്‍ പുരുഷ വിഭാഗം ഫൈനലില്‍ ഫ്യൂച്ചര്‍ സ്റ്റാര്‍സ് കാലിക്കറ്റിനെ (9-2) ഗവ. കോളജ് മടപ്പള്ളിയും വനിതാ വിഭാഗത്തില്‍ ചാലിയം ഇമ്പിച്ചി ഹാജി ഹയര്‍ സെക്കന്‍ഡറി സ്‌കൂളിനെ (5-3) ഡയമണ്ട് ഫീല്‍ഡേഴ്‌സും പരാജയപ്പെടുത്തി. മടപ്പള്ളി ഗവ. കോളജ് ഗ്രൗണ്ടില്‍ നടന്ന മത്സരത്തിന്റെ സമാപന പരിപാടി പ്രിന്‍സിപ്പല്‍ പ്രൊഫ. ചിത്രലേഖ ഉദ്ഘാടനം ചെയ്തു.
വിജയികള്‍ക്ക് ട്രോഫിയും സര്‍ട്ടിഫിക്കറ്റും അവര്‍ സമ്മാനിച്ചു. ജില്ലാ ബേസ്‌ബോള്‍ അസോസിയേഷന്‍ സെക്രട്ടറി അനീസ് മടവൂര്‍ അധ്യക്ഷനായി.
കായിക വിഭാഗം മേധാവി. ഹരിത എസ്. കുറുപ്പ്, അരുണ്‍ജ്യോതി, സാബിത്ത് കാരന്തൂര്‍, കാശിഫ് മിന്‍ഹാജ്, എന്‍.വി ഷഫ്‌നാസ്, അമന്‍ വടകര പ്രസംഗിച്ചു.