ന്യൂഡല്‍ഹി: ക്രിക്കറ്റില്‍ നിന്ന് രാഷ്ട്രീയത്തിലേക്ക് കടന്ന നവജ്യോത് സിങ് സിദ്ദുവിന് പഞ്ചാബില്‍ അടുത്തു നടക്കുന്ന തെരഞ്ഞെടുപ്പില്‍ സ്വാധീനം ചെലുത്താന്‍ കഴിയില്ലെന്ന് ശിരോമണി അകാലിദള്‍ നേതാവ് സുഖ്ബിര്‍ സിങ് ബാദല്‍.
സിദ്ദുവുമായി തനിക്ക് ഒരു തരത്തിലുള്ള ശത്രുതയുമില്ല. അദ്ദേഹത്തെ വളരെകാലം താന്‍ പിന്തുണച്ചിരുന്നു. എന്നാല്‍ ഇപ്പോള്‍ അദ്ദേഹം രാഷ്ട്രീയത്തിലേക്ക് വന്നത് ജനശ്രദ്ധയാകര്‍ഷിക്കുകയെന്ന ലക്ഷ്യം മുന്‍നിര്‍ത്തിയാണ്. അതിനെയാണ് താന്‍ എതിര്‍ക്കുന്നതെന്നും ബാദല്‍ പറഞ്ഞു.