വടക്കാഞ്ചേരി: തമിഴ്‌നാട് മുന്‍ മുഖ്യമന്ത്രി ജയലളിതയുടെ നിര്യാണം ഉള്‍കൊള്ളാനാകാതെ തമിഴകം. അമ്മയുടെ നിര്യാണത്തില്‍ അലമുറയിട്ട് കരഞ്ഞാണ് കേരളത്തിലുള്ള പല തമിഴ് സ്വദേശികളും തങ്ങളുടെ വേദന പ്രകടിപ്പിയ്ക്കുന്നത്. ശബരിമല തീര്‍ഥാടനത്തിന് വൃതമെടുത്ത് യാത്ര പുറപ്പെട്ടവര്‍ മരണവാര്‍ത്ത പുറത്ത് വന്നതോടെ മാലയൂരി ജന്മനാട്ടിലേയ്ക്ക് മടങ്ങുകയാണ്. കോയമ്പത്തൂരില്‍ നിന്ന് കഴിഞ്ഞ ദിവസം ശബരിമല തീര്‍ഥാടനത്തിന് പുറപ്പെട്ട രാജമ്മാളും സംഘവും ഇന്നലെ പുലര്‍ച്ചെ കുണ്ടന്നൂരില്‍ വെച്ചാണ് മരണവിവരം അറിയുന്നത.് സ്ത്രീകളും കുട്ടികളും ഉള്‍പ്പെട്ട 32 അംഗ സംഘം ഇതോടെ വൃതം ഉപേക്ഷിച്ച് മാലയൂരി നാട്ടിലേയ്ക്ക് മടങ്ങുകയാണെന്ന് പ്രഖ്യാപിച്ചു. അമ്മ മരിച്ച് കിടക്കുമ്പോള്‍ തങ്ങള്‍ക്ക് മല കയറാനാകില്ലെന്ന് 65 കാരിയായ രാജമ്മാള്‍ പറഞ്ഞു.