വിഴിഞ്ഞം: കട്ടമരത്തില്‍ മീന്‍ പിടിക്കാന്‍ പോയി കടലില്‍ കാണാതായ മത്സ്യത്തൊഴിലാളിയുടെ മൃതദേഹം കണ്ടെത്തി. കരിംകുളം വലിയതോപ്പ് തെക്കെ പുരയിടത്തില്‍ ഡേവിഡി (48) ന്റെ മൃതദേഹമാണ് ഇന്നലെ വൈകുന്നേരം നാലരയോടെ പുല്ലുവിള തീരത്തിനും രണ്ട് കിലോമീറ്ററോളം ഉള്‍ക്കടലില്‍ കണ്ടെത്തിയത്. മത്സ്യത്തൊഴിലാളികള്‍ കരയ്‌ക്കെത്തിച്ച മൃതദേഹം മെഡിക്കല്‍ കോളജ് മോര്‍ച്ചറിയിലേക്ക് മാറ്റി. കാഞ്ഞിരംകുളം പൊലിസ് മേല്‍നടപടി സ്വീകരിച്ചു.