തൃശൂര്‍: കേരളപ്പിറവിയുടെ അറുപതാം വാര്‍ഷികം പ്രമാണിച്ച് ഇ.പി.വാര്യരുടെ അറുപത് ചിത്രങ്ങളുടെ പ്രദര്‍ശനം ഇന്നു മുതല്‍ 11 വരെ ലളിത കലാ അക്കാദമിയിലെ ചിത്രകലാ ആര്‍ട്ട്ഗ്യാലറിയില്‍ നടക്കും. അദ്ദേഹം ആദ്യമായി നടത്തുന്ന ചിത്രപ്രദര്‍ശനത്തില്‍ പോസ്റ്റര്‍ കളറിലും ഡ്രൈ പേസ്റ്റിലുമായാണ് ചിത്രങ്ങള്‍ ഒരുക്കിയിരിക്കുന്നത്. കൂടാതെ പെന്‍സില്‍ ഡ്രോയിങ്, റോട്രിങ്, പെന്‍, കാര്‍ക്കോള്‍ എന്നിവ ഉപയോഗിച്ചുള്ള ചിത്രങ്ങളുമുണ്ട്. ഒപ്പം തന്നെ രമ്യ വാര്യരുടെ വന്യജീവി ചിത്രപ്രദര്‍ശനവും ഉണ്ടായിരിക്കും. ഇ.പി.വാര്യര്‍, രമ്യ വാര്യര്‍, വിവേക് പ്രഭാകരന്‍ വാര്യര്‍, സുമ വാര്യര്‍ തുടങ്ങിയവര്‍ പത്രസമ്മേളനത്തില്‍ പങ്കെടുത്തു. രാവിലെ 10 മുതല്‍ വൈകീട്ട് ആറുവരെയാണ് പ്രദര്‍ശനം.