മാന്നാര്‍: നാഷണല്‍ ഫിഷ് വര്‍ക്കേഴ്‌സ് ഫോറത്തിന്റെ ദേശീയ സമ്മേളനം ഒമ്പതിനും 10നും തൂത്തുക്കുടിയില്‍ നടക്കുമെന്നു ഫോറം ദേശിയ സെക്രട്ടറി ടി പീറ്റര്‍,കേരളാ സ്വതന്ത്ര മത്സ്യത്തൊഴിലാളി ഫെഡറേഷന്‍ സംസ്ഥാന പ്രസിഡന്റ് പി.പി ജോണ്‍ എന്നിവര്‍ അറിയിച്ചു.
കേരളം,ഗുജറാത്ത്,മഹാരാഷ്ട്ര,ഗോവ,കര്‍ണാടക,തമിഴ്‌നാട്,പോണ്ടിച്ചേരി ആന്ധ്രപ്രദേശ്,ഒഡീഷ.പശ്ചിമബംഗാള്‍ എന്നീ 10 സംസ്ഥാനങ്ങളില്‍ നിന്നുള്ള മത്സ്യത്തൊഴിലാളി പ്രതിനിധികളാണു സമ്മേളനത്തില്‍ പങ്കെടുക്കുന്നത്.
മത്സ്യത്തൊഴിലാളികള്‍ക്കു തീരക്കടലിന്റെയും തീരത്തിന്റെയും മേലുള്ള അവകാശം സംരക്ഷിക്കല്‍,മത്സ്യസമ്പത്തിന്റെ സംരക്ഷണത്തിനായി മത്സ്യക്കുഞ്ഞുങ്ങളെ പിടിക്കുന്നത് നിരോധിക്കല്‍,മത്സ്യബന്ധനത്തിനുള്ള മണ്ണെണ്ണ പ്രതിസന്ധി,ഇന്ത്യന്‍ തീരത്ത് വിദേശ മൂന്‍പിടുത്ത കപ്പലുകള്‍ നിരോധിക്കല്‍,കേന്ദ്രത്തില്‍ ഫിഷറീസ് മന്ത്രാലയം,മത്സ്യത്തൊഴിലാളികളെ കുടിയിറക്കിക്കൊണ്ടുള്ള തീരദേശ കോറിഡോര്‍ പദ്ധതി എന്നീ വിഷയങ്ങള്‍ ചര്‍ച്ച ചെയ്യുന്നതിനാണു സമ്മേളനം വിളിച്ചിരിക്കുന്നതെന്ന് ഭാരവാഹികള്‍ പറഞ്ഞു.