ന്യൂഡല്‍ഹി: ഡല്‍ഹിയില്‍ കനത്ത മൂടല്‍ മഞ്ഞിനെ തുടര്‍ന്ന ഇന്നും ട്രെയിന്‍-വ്യോമഗതാഗതം തടസ്സപ്പെടും. മോശം കാലാവസ്ഥയെ തുടര്‍ന്ന് ഡല്‍ഹിയില്‍ നിന്നുള്ള 94 ട്രെയിനുകള്‍ വൈകിയാണ് ഓടുന്നത്. 16 ട്രെയിനുകളുടെ സമയം പുനക്രമീകരിക്കുകയും രണ്ട് ട്രെയിനുകള്‍ റദ്ദാക്കുകയും ചെയ്തതായി നോര്‍ത്തേണ്‍ റെയില്‍വേ അറിയിച്ചു.

ഇന്ദിരാഗാന്ധി അന്താരാഷ്ട്ര വിമാനത്താവളത്തില്‍ നിന്നുള്ള സര്‍വീസുകളെയും മൂടല്‍മഞ്ഞ് പ്രതികൂലമായി ബാധിക്കും. ആറ് അന്താരാഷ്ട്ര വിമാനങ്ങളും ഏഴ് ആഭ്യന്തര വിമാനങ്ങളും വൈകും. ഒരു ആഭ്യന്തര സര്‍വീസ് റദ്ദാക്കുകയും ചെയ്തിട്ടുണ്ട്.

മൂടല്‍മഞ്ഞ് ഡല്‍ഹി-ഗുഹാവത്തി റൂട്ടിലെ സര്‍വീസുകളെ ബാധിച്ചതായും യാത്രക്കാര്‍ പുതുക്കിയ ഷെഡ്യൂള്‍ പരിശോധിക്കണമെന്നും ജെറ്റ് എയര്‍വേസ് അറിയിച്ചു.