ന്യൂഡല്‍ഹി: ഉത്തരേന്ത്യയില്‍ ശക്തമായ ശീതക്കാറ്റ് മൂലം 16 പേര്‍ മരണപ്പെട്ടു. കഴിഞ്ഞ 24 മണിക്കൂറിനിടെയാണ് ഇത്രയും മരണങ്ങള്‍ റിപ്പോര്‍ട്ട് ചെയ്തത്. ഉത്തര്‍പ്രദേശിലാണ് ഈ മരണങ്ങളെല്ലാം ഉണ്ടായിട്ടുള്ളത്.

കൂടാതെ കോടമഞ്ഞും അന്തരീക്ഷത്തിലെ പുകയും മൂലം നിരവധി ട്രെയിനുകളും ഫ്‌ളൈറ്റുകളും റദ്ദാക്കുകയും ചെയ്തു. ഒമ്പത് അന്താരാഷ്ട്ര ഫ്‌ളൈറ്റുകളും 15 അന്തര്‍ദേശീയ സര്‍വീസുകളും ഡല്‍ഹി ഇന്റര്‍നാഷണല്‍ വിമാനത്താവളത്തില്‍ വൈകുമെന്നും അറിയിച്ചു.

ശക്തമായ പുക നിമിത്തം പഞ്ചാബിലെ അമൃത്സറിലെ നിരവധി സ്‌കൂളുകളുടെ സമയത്തില്‍ മാറ്റം വരുത്തിയതായി അധികൃതര്‍ അറിയിച്ചു.