ഉദുമ: കോട്ടിക്കുളത്തെ മത്സ്യത്തൊഴിലാളിയായ ബി.ജെ.പി. പ്രവര്‍ത്തകന്‍ ഗീതേഷിനെ (27) വെട്ടേറ്റ പരുക്കുകളോടെ കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചു. വെള്ളിയാഴ്ച രാത്രി ഒമ്പതരയോടെ മലാംകുന്നിലാണ് സംഭവം. വീട്ടിലേക്ക് പോകുന്നതിനിടെ തടഞ്ഞ് നിര്‍ത്തി അഞ്ചംഗ സംഘം വടിവാള്‍കൊണ്ട് വെട്ടുകയായിരുന്നുവെന്ന് ഗീതേഷ് പരാതിപ്പെട്ടു. ബേക്കല്‍ പൊലിസ് അന്വേഷണം ആരംഭിച്ചു.