പോത്തന്‍കോട്: പോത്തന്‍കോട്ട് മദ്യലഹരിയിലായ ഓട്ടോഡ്രൈവറുടെ അഭ്യാസം മണിക്കൂറുകളോളം ഗതാഗതക്കുരുക്കുണ്ടാക്കി.
പോത്തന്‍കോട് പൊലിസ് സ്ഥലത്തെത്തി കളമച്ചല്‍ സ്വദേശി അനില്‍കുമാറിനെ കസ്റ്റഡിയിലെടുത്തു. വെള്ളിയാഴ്ച വൈകുന്നേരം മൂന്നു മണിയോടെയാണ് സംഭവം. മദ്യലഹരിയിലായിരുന്ന പ്രതി പോത്തന്‍കോട് ജങ്ഷനില്‍ യാത്രക്കാരുമായി ഓട്ടോയിലെത്തുകയും ഒരു വഴിയാത്രക്കാരനെയും ഒരു ടെംബോയിലും പ്രതിയുടെ ഓട്ടോ ഇടിച്ചു. യാത്രക്കാര്‍ ഓട്ടോയില്‍ നിന്നും പുറത്തിറങ്ങാന്‍ ശ്രമിക്കുന്നതിനിടെ യാത്രക്കാരിയായ ഒരു സ്ത്രീയുടെ കൈയില്‍ കയറി പിടിച്ച് അപമാനിക്കാന്‍ ശ്രമിച്ചതായും ദൃക്‌സാക്ഷികള്‍ പറഞ്ഞു. തുടര്‍ന്ന് പോത്തന്‍കോട് പൊലിസ് എത്തി പ്രതിയെ കൊണ്ടുപോയി. ഇതുകാരണം പോത്തന്‍കോട് ജങ്ഷനില്‍ മണിക്കൂറുകളോളം ഗതാഗത തടസമുണ്ടായി.