പെരുമ്പാവൂര്‍: കേരള വിശ്വകര്‍മ മഹിളാ സംഘം യൂണിയന്‍ സമ്മേളനം അര്‍ബന്‍ ബാങ്ക് ഓഡിറ്റോറിയത്തില്‍ നടന്നു. സംസ്ഥാന പ്രസിഡന്റ് സരസ്വതിയമ്മാള്‍ ഉദ്ഘാടനം നിര്‍വഹിച്ചു. സംസ്ഥാന സെക്രട്ടറി സുജാത മോഹന്‍ അധ്യക്ഷത വഹിച്ചു. വിശ്വകര്‍മ്മ മഹിളാസംഘത്തിന് പ്രാതിനിത്യം നല്‍കികൊണ്ട് വനിതാ വികസന കോര്‍പ്പറേഷന്‍ പുനസംഘടിപ്പിക്കണമെന്ന് യോഗം ആവശ്യപ്പെട്ടു.
മഹിളാ സംഘം പ്രസിഡന്റായി സരള കൃഷ്ണന്‍കുട്ടി കൊമ്പനാട്, സെക്രട്ടറിയായി സുനി മുരളി വളയന്‍ചിറങ്ങര, ഖജാന്‍ജിയായി സിജി മനോജ് പയ്യാല്‍ എന്നിവരേയും 25 അംഗ ഭരണസമിതിയേയും തെരഞ്ഞെടുത്തു.