കട്ടാങ്ങല്‍: എം.ഇ.എസ് സ്‌കൂള്‍ എജ്യുക്കേഷന്‍ ബോര്‍ഡിന്റെ ആഭിമുഖ്യത്തില്‍ സംഘടിപ്പിക്കുന്ന 11-ാമത് സി.ബി.എസ്.ഇ സ്‌കൂള്‍ കലാമേള ഇന്നു കളന്‍തോട് എം.ഇ.എസ് രാജ റസിഡന്‍ഷ്യല്‍ സ്‌കൂളില്‍ ആറു വേദികളിലായി നടക്കും. നാലു കാറ്റഗറികളിലായി 80 ഇനങ്ങളിലാണ് മത്സരം.
30 സ്‌കൂളുകളില്‍ നിന്നുള്ള 2000ത്തോളം കലാപ്രതിഭകളും അധ്യാപകരും മേളയില്‍ പങ്കെടുക്കും. രാവിലെ പത്തിന് കാരാട്ട് റസാഖ് എം.എല്‍.എ ഉദ്ഘാടനം ചെയ്യും. ഡോ. ഫസല്‍ ഗഫൂര്‍ അധ്യക്ഷനാകും. ചടങ്ങില്‍ സിനിമാതാരം ലിയോണ ലിഷോയ് സംബന്ധിക്കും.