കുറവിലങ്ങാട്: കലാഭവന്‍ മണി ഫൗണ്ടേഷന്റെ നേതൃത്വത്തില്‍ കലാഭവന്‍ മണി അനുസ്മരണ സമ്മേളനം 22 ന് പാറ്റാനി ഓഡിറ്റോറിയത്തില്‍ നടക്കും. മോന്‍സ് ജോസഫ് എം.എല്‍.എ അധ്യക്ഷനാവും. വി.എന്‍ വാസവന്‍ ഉദ്ഘാടനം ചെയ്യും. നിര്‍ധന കുടുംബങ്ങള്‍ക്കുള്ള ക്രിസ്മസ് കിറ്റ് വിതരണം കെ. സുരേഷ്‌കുറുപ്പ് എം.എല്‍.എയും കുടുംബശ്രീ യൂനിറ്റിനുള്ള പ്രോത്സാഹന സമ്മാനം പഞ്ചായത്ത് പ്രസിഡന്റ് പി. സി. കുര്യനും അര്‍ബുദ രോഗികള്‍ക്കുള്ള സാമ്പത്തികസഹായം കെ.കെ. ശശികുമാറും വിതരണം ചെയ്യും.
മണിയുടെ സഹോദരന്‍ ആര്‍.എല്‍.വി രാമകൃഷ്ണന്‍ പങ്കെടുക്കും. മാണി സി. കാപ്പന്‍ അനുസ്മരണ പ്രഭാഷണം നടത്തും. അവാര്‍ഡ് വിതരണം മേഴ്‌സി റെജി, രമാ രാജു, ത്രേസ്യാമ്മ ജോര്‍ജ്, കെ. രവികുമാര്‍ എന്നിവര്‍ നിര്‍വഹിക്കും. എട്ടിന് കലാസന്ധ്യയും നടക്കും.