തെഹ്‌റാന്‍: അമേരിക്കന്‍ വ്യോമയാന നിര്‍മാതാക്കളായ ബോയിങ്ങുമായി പുതിയ 80 വിമാനങ്ങള്‍ വാങ്ങാന്‍ കരാറിലേര്‍പ്പെട്ടതായി ഇറാന്‍ വ്യോമയാന മന്ത്രാലയം അറിയിച്ചു. 1979ലെ ഇറാന്‍ വിപ്ലവത്തിനു ശേഷം ഇറാന്‍ അമേരിക്കയുമായി നടത്തുന്ന ഏറ്റവും വലിയ കരാറാണിത്.
പത്തു വര്‍ഷത്തെ കാലാവധിയുള്ള കരാര്‍ പ്രകാരം 50 ബോയിങ് 737 വിമാനവും 30 ബോയിങ് 777 വിമാനവും അമേരിക്ക ഇറാനു നല്‍കും. 16.6 ബില്യന്‍ ഡോളറാണു കരാര്‍ തുക. കഴിഞ്ഞ മാസം ഇറാനു നേരെയുള്ള ഉപരോധം അമേരിക്കന്‍ സെനറ്റ് പത്തുവര്‍ഷത്തേക്കു കൂടി നീട്ടിയിരുന്നു.