നന്തിബസാര്‍: നാലുദിസങ്ങളിലായി സി.കെ.ജി.എം ഹയര്‍ സെക്കന്‍ഡറി സ്‌കൂളില്‍ നടന്ന മേലടി ഉപജില്ലാ സ്‌കൂള്‍ കലോത്സവത്തില്‍ ഹയര്‍ സെക്കന്‍ഡറി വിഭാഗത്തില്‍ മേപ്പയ്യൂര്‍ ജി.വി.എച്ച്്.എസ്.എസ്സും ഹൈസ്‌കൂള്‍ വിഭാഗത്തില്‍ പയ്യോളി ഹൈസ്്കൂളുകളും, യു.പി വിഭാഗത്തില്‍ തൃക്കോട്ടൂര്‍ എ.യു.പി യും, ആവള യു.പിയും ജേതാക്കളായി. എല്‍.പി വിഭാഗത്തില്‍ ഒന്നാം സ്ഥാനം കണ്ണോത്ത്് യു.പിയും, ചെറുവണ്ണൂര്‍ എ.എല്‍.പിയും പങ്കിട്ടു. തൃക്കോട്ടൂര്‍ എ.യു.പിക്ക് രണ്ടാം സ്ഥാനവും, വിരവഞ്ചേരി എല്‍.പിക്ക് മൂന്നാം സ്ഥാനവും കിട്ടി. സമാപന സമ്മേളനം കോഴിക്കോട്് ജില്ല പഞ്ചായത്ത് സ്റ്റാന്‍ഡിങ് കമ്മിറ്റിചെയര്‍മാന്‍ മുക്കം മുഹമ്മദ് ഉദ്ഘാടനം ചെയ്തു. ബ്ലോക്ക് പഞ്ചായത്ത് മെമ്പര്‍ കെ. കുഞ്ഞിരാമന്‍ സമ്മാനങ്ങള്‍ വിതരണം ചെയ്തു. പി നാരായണന്‍, ചെതോത്ത്് ഭാസ്‌കരന്‍, മുതുകുനി മുഹമ്മദലി, രജീഷ് മാണിക്കോത്ത്്, സുരേഷ്ചന്ദാടത്ത് പ്രസംഗിച്ചു.