നടുവണ്ണൂര്‍: കാരയാട് തറമ്മല്‍ സുബുലുസ്സലാം മദ്‌റസാ നബിദിനാഘോഷം വിവിധ പരിപാടികളോടെ ആഘോഷിച്ചു. മത പ്രഭാഷണം, കുടുംബ സംഗമം, സ്‌നേഹ സന്ദേശ റാലി, പ്രവാചക പ്രകീര്‍ത്തന സദസ്സ്, കലാവിരുന്ന് എന്നിവ സംഘടിപ്പിച്ചു. മഹല്ല് പ്രസിഡന്റ് ടി.പി പര്യയി കുട്ടി ഹാജി അധ്യക്ഷനായി. ഷൗക്കത്തലി അന്‍വരി, ഹബീബ് ഫൈസി, ബാവ ജീറാനി, ഇസ്മാഈല്‍ ബാഖവി തുടങ്ങിയവര്‍ വിഷയമവതരിപ്പിച്ചു. മഹല്ല് ഖത്തീബ് ഇ.കെ അഹമ്മത് മൗലവി ഉദ്ഘാടനം ചെയ്തു. എം.പി അബ്ദുല്‍ മജിദ് ഹാജി, പി.ടി അബ്ദുല്ലക്കുട്ടി ഹാജി, പി.എം അവറാന്‍ ഹാജി, മൂലക്കല്‍ ജാഫര്‍, സമീര്‍ എരോത്ത്, പൊയ്‌ലങ്ങല്‍ അമ്മത് തുടങ്ങിയവര്‍ സംസാരിച്ചു. എന്‍ അബ്ദുല്‍ അസീസ് സഖാഫി, എം.എം അബ്ദുല്‍ അസീസ് മൗലവി, സി.കെ നൗഷാദ് മൗലവി തുടങ്ങിയവര്‍ റാലിക്ക് നേതൃത്വം നല്‍കി.