കൊടുവള്ളി: എ.ഇ.ഒ ഓഫിസില്‍ ആവശ്യത്തിനു ജീവനക്കാരെ നിയമിക്കണമെന്നു കെ.എ.ടി.എഫ് താമരശേരി വിദ്യാഭ്യാസ ജില്ലാ പ്രവര്‍ത്തക കണ്‍വന്‍ഷന്‍ ആവശ്യപ്പെട്ടു. തസ്തികകള്‍ ഒഴിഞ്ഞുകിടക്കുന്നത് ഓഫിസിന്റെ പ്രവര്‍ത്തനത്തെ ബാധിക്കുന്നുണ്ടെണ്ടന്ന് കണ്‍വന്‍ഷന്‍ ആരോപിച്ചു. സംസ്ഥാന ട്രഷറര്‍ കെ.കെ.എ ജബ്ബാര്‍ ഉദ്ഘാടനം ചെയ്തു. പി. അബ്ദുല്‍ ബഷീര്‍ അധ്യക്ഷനായി. പി. മുഹമ്മദലി, റാഫി ചെരച്ചോറ, റശീദ് ഖാസിമി, പി.വി അബ്ദുസ്സലാം, എന്‍.പി അബ്ദുറഷീദ്, ടി.എ അസീസ്, ടി. മുഹമ്മദ്, സലാം, എന്‍. ജാഫര്‍ സംസാരിച്ചു.