വാടാനപ്പള്ളി: ചേറ്റുവയില്‍ യുവാവിനു വെട്ടേറ്റു. ചേറ്റുവ ടിപ്പു സുല്‍ത്താന്‍ കോട്ടക്കുസമീപം കോറോട്ട് വേലായുധന്റെ മകന്‍ പുതിയ വീട്ടില്‍ നാസര്‍ (45)നാണു വെട്ടേറ്റത്. തലക്ക് പരുക്കേറ്റ നാസറിനെ തൃശൂര്‍ വെസ്റ്റ് ഫോര്‍ട്ട് ആശുപത്രിയില്‍ പ്രവേശിപ്പിച്ചു. ഇന്നലെ വൈകിട്ട് ആറുമണിയോടെ അയല്‍ വാസികള്‍ തമ്മില്‍ ആടിനെ കെട്ടുന്നതുമായി ബന്ധപ്പെട്ട പ്രശ്‌നമാണ് അക്രമത്തില്‍ കലാശിച്ചതെന്ന് പൊലിസ് പറയുന്നു.

പരിക്കേറ്റ നാസര്‍ സി.പി.എം പ്രവര്‍ത്തകനാണ്. അതേസമയം നാസറിനെ വെട്ടിയ സംഭവത്തില്‍ പ്രതിയായ വടൂക്കര സുരേഷിനെ വാടാനപ്പള്ളി പൊലിസ് അറസ്റ്റ് ചെയ്തു. പിടിയിലായ സുരേഷ് ബി.ജെ.പി പ്രവര്‍ത്തകനാണ് .