കോഴിക്കോട്: 'ഹുബ്ബുര്‍റസൂല്‍, ഹുബ്ബുല്‍ വത്വന്‍' എന്ന പ്രമേയത്തെ അടിസ്ഥാനമാക്കി സുന്നി യുവജന സംഘം സംസ്ഥാന കമ്മിറ്റി പ്രഖ്യാപിച്ച നബിദിന കാംപയിനിന്റെ ഭാഗമായി ഡിസംബര്‍ 29 ന് വൈകുന്നേരം മൂന്ന് മണിക്ക് കോഴിക്കോട്ട് മീലാദ് സമ്മേളനം നടത്താന്‍ കോഴിക്കോട്, പാലക്കാട്, മലപ്പുറം, വയനാട്, നീലഗിരി എന്നീ ജില്ലകളിലെ എസ്.വൈ.എസ് ഭാരവാഹികളുടെ യോഗം തീരുമാനിച്ചു.
അരയിടത്ത് പാലം ഗ്രൗണ്ടില്‍ മൗലീദ് സദസോടെ ആരംഭിക്കുന്ന പരിപാടിയില്‍ സിംസാറുല്‍ ഹഖ് ഹുദവി പ്രമേയ പ്രഭാഷണം നടത്തും. സമസ്ത കേരള ജംഇയ്യത്തുല്‍ ഉലമായുടെയും കീഴ്ഘടകങ്ങളുടെയും നേതാക്കളും പൗരപ്രമുഖരും ചടങ്ങില്‍ സംബന്ധിക്കും. എസ്.വൈ.എസ്.സംസ്ഥാന ജനറല്‍ സെക്രട്ടറി സയ്യിദ് മുഹമ്മദ് കോയ തങ്ങള്‍ ജമലുല്ലൈലി ചെയര്‍മാനും, മുസ്തഫ മാസ്റ്റര്‍ മുണ്ടുപാറ കണ്‍വീനറും, ഹാജി.കെ.മമ്മദ് ഫൈസി ട്രഷററുമായി സംഘാടക സമിതി രൂപീകരിച്ചു.
കോഴിക്കോട് സമസ്ത ഓഡിറ്റോറിയത്തില്‍ ചേര്‍ന്ന യോഗം എസ്.വൈ.എസ്. സംസ്ഥാന ജനറല്‍ സെക്രട്ടറി സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്തു. എസ്.വൈ.എസ്.സംസ്ഥാന ട്രഷറര്‍ ഹാജി.കെ.മമ്മദ് ഫൈസി അദ്ധ്യക്ഷനായി. കെ.ഉമര്‍ ഫൈസി മുക്കം, അബ്ദുസ്സമദ് പൂക്കോട്ടൂര്‍, ഇ.മൊയ്തീന്‍ ഫൈസി പുത്തനഴി, പി.എ.ജബ്ബാര്‍ ഹാജി, ആര്‍.വി.കുട്ടി ഹസ്സന്‍ ദാരിമി, സി.എച്ച്.മഹ്മൂദ് സഅദി, ബി.എസ്.കെ.തങ്ങള്‍, ഹസ്സന്‍ സഖാഫി പൂക്കോട്ടൂര്‍, പി.ടി.അഷ്‌റഫ് ബാഖവി, പി.മാമുക്കോയ ഹാജി, എ.എം ഷരീഫ് ദാരിമി നീലഗിരി, എം.പി സൈതലവി മുസ്‌ലിയാര്‍, സി.പി ഇഖ്ബാല്‍, പി.കെ.ലത്തീഫ് ഫൈസി, കെ.എം.കുഞ്ഞമ്മദ് ബാഖവി സംബന്ധിച്ചു. എസ്.വൈ.എസ് സംസ്ഥാന സെക്രട്ടറി കെ. മോയിന്‍കുട്ടി മാസ്റ്റര്‍ സ്വാഗതവും സലീം എടക്കര നന്ദിയും പറഞ്ഞു.