നെടുമ്പാശ്ശേരി: കേരള സന്ദര്‍ശനത്തിനായി താജിക്കിസ്ഥാന്‍ പ്രസിഡന്റ്ഇമൊമാലി റാഹ്‌മോന്‍ ഇന്ന് നെടുമ്പാശ്ശേരിയിലെത്തും. വൈകീട്ട് 4.30 ന് കൊളംബോയില്‍ നിന്നും ശ്രീലങ്കന്‍ എയര്‍ലൈന്‍സ് വിമാനത്തിലാണ് താജിക്കിസ്ഥാന്‍ പ്രസിഡന്റ് എത്തുന്നത്.

നെടുമ്പാശ്ശേരി അന്താരാഷ്ട്ര വിമാനത്താവളത്തിലെ റണ്‍വെയില്‍ നിന്ന് തന്നെ നാലാം നമ്പര്‍ ഗെയിറ്റ് വഴി പ്രത്യേക വാഹനത്തില്‍ ഇദ്ദേഹം കൊച്ചിയിലേക്ക് പോകും. താജിക്കിസ്ഥാനില്‍ നിന്നുള്ള 50 അംഗ സംഘവും ഇദ്ദേഹത്തെ അനുഗമിക്കുന്നുണ്ട്. താജിക്കിസ്ഥാന്‍ പ്രസിഡന്റ് എത്തുന്നതിന് മുന്നോടിയായി നെടുമ്പാശ്ശേരിയില്‍ ഇന്നലെ വൈകീട്ട് സുരക്ഷാ സേന പ്രത്യേക റിഹേഴ്‌സല്‍ നടത്തി.