കൂത്തുപറമ്പ്: പഴയനിരത്തില്‍ റോഡരികില്‍ നിര്‍ത്തിയിട്ട കാര്‍ കത്തിനശിച്ച നിലയില്‍. പഴയനിരത്തിലെ എം.ആര്‍ ഓട്ടോകെയര്‍ വര്‍ക്ക് ഷോപ്പിനു സമീപത്തായി നിര്‍ത്തിയിട്ട നാനോ കാറാണ് കത്തിനശിച്ചത്. ഒന്നര വര്‍ഷം മുമ്പ് മാനന്തേരിയിലെ പ്രബീഷ് നന്നാക്കാനായി വര്‍ക്ക്‌ഷോപ്പില്‍ ഏല്‍പിച്ചതായിരുന്നു. നന്നാക്കി കുറച്ചു മാസമായി റോഡരികില്‍ നിര്‍ത്തിയിട്ടിരിക്കുകയായിരുന്നു കാര്‍. തിങ്കളാഴ്ച രാവിലെ ഷോപ്പ് ഉടമയും ജീവനക്കാരും ജോലിക്കെത്തിയപ്പോഴാണ് കാര്‍ പൂര്‍ണമായും കത്തിയ നിലയില്‍ കണ്ടെത്തിയത്. കൂത്തുപറമ്പ് പൊലിസ് സ്ഥലത്തെത്തി അന്വേഷണം നടത്തി.