ഹരിപ്പാട്: തമിഴ്‌നാട്ടില്‍ വെച്ചുണ്ടായ വാഹനാപകടത്തില്‍ മരണപ്പെട്ട യുവാവിന്റെ മൃതദേഹം നാട്ടിലെത്തിച്ച് സംസ്‌ക്കരിച്ചു. കരുവാറ്റ കുറ്റിത്തറ വാലുപറമ്പില്‍ സുഭാഷ് - സീത ദമ്പതികളുടെ മകന്‍ സുബിന്‍ (കൊച്ചുണ്ണി 18) ആണ് കഴിഞ്ഞ ദിവസം തമിഴ്‌നാട്ടിലെ തൂത്തുക്കുടിയില്‍ വെച്ച് വാഹനാപകടത്തില്‍ മരണപ്പെട്ടത്. തമിഴ്‌നാട് സ്വദേശികളായ മറ്റ് മൂന്നുപേരും മരണപ്പെട്ടിരുന്നു. തിരുവനന്തപുരത്ത് ക്രെയിന്‍ ഓപ്പറേറ്റര്‍ ജോലി പഠിക്കുകയായിരുന്ന സുബിന്‍ സുഹൃത്തുക്കളോടൊപ്പം ക്രെയിന്റെ സ്‌പെയര്‍ പാര്‍ട്ട് വാങ്ങുന്നതുമായി ബന്ധപ്പെട്ട് തമിഴ്‌നാട്ടിലേക്ക് പോയത്. സഹോദരന്‍ സുബീഷ്. സഞ്ചയനം ശനിയാഴ്ച രാവിലെ 9ന്.