തിരുവനന്തപുരം: തന്റെ ഫോണിലൂടെ ഉമ്മന്‍ചാണ്ടി സോളാര്‍ കേസ് പ്രതി സരിത എസ് നായരുമായി നിരവധി തവണ സംസാരിച്ചിട്ടുണ്ടെന്ന് ഉമ്മന്‍ ചാണ്ടിയുടെ മുന്‍ ഗണ്‍മാന്‍ സലിംരാജ് സോളാര്‍ കമമ്മീഷനു മുന്നില്‍ മൊഴി നല്‍കി.
 
എ.ഡി.ജി.പി ഹേമചന്ദ്രനോട് ഇക്കാര്യം പറഞ്ഞിരുന്നുവെന്നും എന്നാല്‍ അദ്ദേഹം മൊഴിയില്‍ രേഖപ്പെടുത്തിയിട്ടില്ലെന്നും ജസ്റ്റിസ് ശിവരാജനു മുന്നില്‍ സലിംരാജ് പറഞ്ഞു.

ഡ്യൂട്ടിയില്‍ ഉള്ളപ്പോഴും ഇല്ലാത്തപ്പോഴും സരിത വിളിക്കുമായിരുന്നു. താന്‍ ഡ്യൂട്ടിയിലുള്ളപ്പോള്‍ ഫോണ്‍ ഉമ്മന്‍ ചാണ്ടിക്കു കൊടുക്കും. ഇല്ലാത്തപ്പോള്‍ ഡ്യൂട്ടിയിലുള്ളയാളുടെ നമ്പര്‍ കൊടുക്കും. പലപ്പോഴും ജിക്കുമോന്റെ നമ്പറായിരുന്നു കൊടുത്തിരുന്നത്. ജിക്കു മോന്റെ ഫോണിലേക്ക് വിളിച്ചു സരിത ഉമ്മന്‍ ചാണ്ടിയുമായി സംസാരിച്ചിട്ടുണ്ടെന്നും സലിംരാജ് മൊഴി നല്‍കി.